أخبار وطنية معلّم يطلق صيحة فزع للتونسيين لإنقاذ تلميذه اليتيم من الموت..
اطلق المعلم راسم بن يونس الذي يدرس بالمدرسة الابتدائية تينة 2 نداء بصفاقس ، من خلال تدوينة على فايسبوك نداء لكافة التونسيين بخصوص تلميذ يدعى سليم.ع يبلغ من العمر 15 سنة ويدرس بالسنة السادسة ابتدائي يعاني من مرض القلب وهو يتيم الأمّ وظروف والده الاجتماعية لا تسمح له بمعالجته..
وفي ما يلي ما دوّنه راسم بن يونس:
"سليم ع. تلميذ يقرا عندي , تلميذ مدمج و يتيم الأم و ظروفو الإجتماعيّة قاسية جدّا , اليوم و هو يقرا عندي حس روحو سخن برشة و داخ , فيّقتو و حاولت نستفسر منّو قلّي اللي هو كان مريض و ما يعرفش مرضو شنو أما أمو الله يرحمها قبل ما تموت كانت تهزّو ديما للسبيطار و مواظب على مواعيدو و مللي ماتت أمو ما مشاش و حد ما عاد لاهي بيه و أطرشق بالبكاء و ما نجمش نوصفلكم آش حسيت كي قللّي هاك الكلام , هزيتو لطبيب خاص ( طب عام ) و كانت الصدمة .. سليم عندو ثقب في القلب و مهدد انو يموت في اي لحظة بسبب انقطاعو عن العلاج و كلّمنا بوه و قال اللي هو مش قادر باش يداوي ولدو نظرا لظروفهم الصعيبة .. هاذاكا علاش قرّرت ننشر الحكاية و نشوف ثماشي طبيب قلب أو مصحّة أو فاعل خير يتكفّل بمداواة سليم و أي انسان ينجمو يعاونو بأي حاجة يتّصل بيّا و نحاولوا الناس الكل ننقذوا سليم ".
